यातायात मन्त्री नेम्बाङलाई कोरोना संक्रमण पुष्टि

काठमाडौं  :  भौतिक पूर्वाधार तथा यातायात मन्त्री वसन्तकुमार नेम्बाङलाई पनि कोरोना संक्रमण पुष्टि भएको छ। सोमबार गरिएको पीसीआर परीक्षणमा कोरोना संक्रमण भएपछि मन्त्री नेम्बाङ होम आइसोलेसनमा बसेका छन्।

नेम्बाङका प्रेस संयोजक संयोजक सन्दीप राईले यसबारे जानकारी दिएका छन्। मन्त्री नेम्वाङले आफूसँग सम्पर्कमा रहेकाहरुलाई पनि होसियारी अपनाउन अपिल गरेका छन्।

यसअघि संस्कृति, पर्यटन तथा नागरिक उड्ययन मन्त्री योगेश भट्टराई र शिक्षा तथा विज्ञान प्रविधि मन्त्री गिरिराजमणि पोखरेललाई कोरोना संक्रमण भएको थियो। त्यसैगरी प्रधानमन्त्री केपी शर्मा ओलीका सल्लाहकारहरूलाई पनि कोरोना देखिएको थियो।