कोरोना सङ्क्रमण मुक्त हुने बढ्दै

काठमाडौं  : नेपालमा अघिल्लो हप्ता कोरोना संक्रमणको दर बढे पनि अहिले संक्रमितहरु निको हुने दर बढेको छ। स्वास्थ्य मन्त्रालयको तथ्यांकअनुसार पछिल्लो एक हप्तामा ३८ हजार बढी संक्रमित निको भएका छन्।
मन्त्रालयका अनुसार पछिल्लो २४ घन्टामा ८१९१ संक्रमित निको भएका थिए। जबकि संक्रमित हुनेको संख्या ५२९२ रहेको छ।

त्यस्तै आइतबार ६३५९, शनिबार ५९२४, शुक्रबार ५४३२, बिहीबार ५२९२, बुधबार ४४३३ र मंगलबार ३०४० संक्रमित निको भएका थिए। कोरोनामुक्त हुने दर बढेपछि सक्रिय संक्रमितको संख्या पनि घटेको छ। ९० हजार नाघिसकेको संक्रमित संख्या अहिले ७० हजारमा आइपुगेको मन्त्रालयले जनाएको छ।