आफ्नै नेतृत्वमा सरकार बनाउने कांग्रेसको निर्णय

काठमाडौँ  : नेपाली कांग्रेसले आफ्नै नेतृत्वमा सरकार बनाउने निर्णय गरेको छ। आइतबार बसेको कांग्रेस केन्द्रीय कार्यसम्पादन समितिको बैठकले आफ्नै नेतृत्वमा सरकार बनाउन पहल गर्ने निर्णय गरेको हो।

बैठकपछि पार्टी प्रवक्ता डा प्रकाशशरण महतले गठबन्धनको सरकारलाई निरन्तरता दिने पार्टीको लक्ष्य रहेको बताए। गठबन्धनको ठूलो दल भएकाले कांग्रेस नेतृत्वमा सरकार बनाउनुपर्ने उनले बताए। उनले भने कांग्रेसको नेतृत्वमा सरकार गठन गर्ने विषयमा गठबन्धनभित्र र अन्य दलहरुसँग पनि छलफल हुन्छ। बैठकले दलको नेता चयनका लागि सहमहामन्त्री भिष्मराज आङ्देम्बेको नेतृत्वमा निर्वाचन समिति बनाएको छ। मंगलबार वा बुधबार दलको चुनाव हुनेछ।