दैलेख पर्यटन,व्यापार तथा सास्कृतिक महोत्सव सुरु

दैलेख  :  दैलेख पर्यटन,व्यापार तथा सास्कृतिक महोत्सव सुरु भएको छ । फागुन १९ देखी २९ गते सम्म सञ्चालन हुने महोत्सवको कर्णाली प्रदेश सरकारका आर्थिक मामिला तथा योजना मन्त्री विनोद कुमार शाहले उद्घाटन गर्दै दैलेखमा रहेका पर्यटकीय क्षेत्रको प्रचार प्रसार गरी बाह्य पर्यटक जिल्लामा भित्राउन महोत्सवले सहयोग पुग्ने बताए ।

दैलेख ऐतिहासिक,धार्मिक,पुरातात्त्विक पर्यटकीय सम्भावना भएको जिल्ला भए पनि आवश्यक प्रचार प्रसार हुन नसकेको भन्दै त्यसका निम्ति महोत्सव कोशेढुगा बन्ने विश्वास ब्यक्त गरे । स्थानीय उत्पादनलाई जोड दिनुपर्छ मन्त्री शाहले भने स्वदेशी उत्पादनलाई जोड दिँदै गाउँमै रोजगारी सिर्जना गर्न तर्फ लाग्नु पर्ने हुन्छ ।

महोत्सव मूल आयोजक समितिका संयोजक राजु कुमार खत्रीले जिल्लाका पर्यटन,व्यापार र सांस्कृतिक पहिचान गर्न महोत्सवको आयोजना गरिएको बताए । स्थानीय उद्योग, व्यापार,व्यावसायिक कृषि,पशुपालनको प्रवर्द्धन गरी आत्मनिर्भर बनाउने र आर्थिक विकासमा टेवा पु¥याउने,स्थानीय कला र संस्कृतिको जर्गेना गर्ने ,स्थानीय क्षेत्रका प्रतिभाहरूको प्रस्फुटन गर्ने, राष्ट्रिय लोक दोहोरी प्रतिष्ठान दैलेखको भवन निर्माणका लागी आवश्यक जग्गा खरिद गर्ने उद्देश्यले महोत्सव आयोजना गरिएको संयोजक केसीले जानकारी दिए ।

महोत्सवमा एक सय १० व्यावसायिक स्टलहरू राखिएका छन् ।