श्रीमानको कुटाइबाट श्रीमतीको मृत्यु

दैलेख  :   दैलेखमा एक पुरुषले आफ्नै श्रीमतीको हत्या गरेका छन् । गुराँस गाउँपालिका–८ माथिल्लो गर्चाका २८ वर्षिय कृष्णबहादुर खड्काले श्रीमती २७ वर्षिया पार्वती बिसीको हत्या गरेका हुन । खड्काले सोमवार राती श्रीमतीको हत्या गरेको जिल्ला प्रहरी कार्यालय दैलेखका प्रहरी नायब उपरिक्षक (डिएसपी) किशोर लम्सालले जानकारी दिए । उनले काठको गरालो घटनास्थलमा भेटिएको र सोहि गरालोले प्रहार गरेर श्रीमतीको हत्या गरेको हुन सक्ने प्रारम्भिक अनुसन्धानबाट खुलेको बताए ।
खड्का र बिसीको गत मंसिरमा विवाह भएको थियो । खड्काले विवाह गरेको तीन महिना नबित्दै श्रीमतीको हत्या गर्नु भएको छ । श्रीमान र श्रीमती दुबै अशक्त रहेको र श्रीमान आवाज विहिन र कान नसुन्ने हुनुहुन्छ भने श्रीमती सुस्त मनस्थितीको रहेको अनुसन्धानबाट खुलेको डिएसपी लम्सालले जानकारी दिए ।
श्रीमती हत्यामा संलग्न खड्कालाई प्रहरीले प्रक्राउ गरिसकेको छ । मृतकको तर्फबाट भिनाजु नाता पर्नेले जाहेरी दिईसकेको र घटनाबारे थप अनुसन्धान थालिएको डिएसपी लम्सालले जानकारी दिए । पोष्टमार्टमका लागी शव जिल्ला अस्पताल दैलेखमा पु¥याइएको प्रहरीले जानकारी दिएको छ ।