ट्याक्टर दुर्घटना, घाइते अधिकारीको मृत्यु

दैलेख  :  टयाक्टर दुर्घटना हुँदा एक जनाको मृत्यु भएको छ । दैलेखको लोहोरे खोला बाट सदरमुकाम तर्फ आउँदै गरेको से २ त १६५२ नम्बरको ट्याक्टर नारायण नगरपालिका–८ सिमाडामा दुर्घटना परी घाइते हुनुभएका भगवतीमाई गाउँपालिका –१ का अन्दाजी ६० वर्षीय गोबिन्द अधिकारीको जिल्ला अस्पताल दैलेखमा उपचारको क्रममा मृत्यु भएको जिल्ला प्रहरी कार्यालय दैलेखले जानकारी दिएको छ ।
जिल्ला प्रहरी कार्यालयका प्रहरी प्रमुख (डिएसपी) इश्वर लम्सालले दुर्घटनामा परी घाइतेहुनुभएका अधिकारीको जिल्ला अस्पताल दैलेखमा उपचारको क्रममा मृत्युभएको पुष्टि गरे । फरार रहेका ट्याक्टर चालकलाई नियन्त्रणमा लिएर अनुसन्धानको काम भइरहेको प्रहरीले जनाएको छ ।