निजामती सेवा दिवसमा उत्कृष्ट कर्मचारी पुरस्कृत 

दैलेख  :  निजामती सेवा दिवसको अवसरमा उत्कृष्ट कर्मचारीलाई पुरस्कृत गरिएको छ । व्यावसायिक र सिर्जनशि प्रशासन,विकास र सुशासन भन्ने नाराका साथ महावु गाउँपालिकाले गाउँपालिकामा कार्यरत दुई जना कर्मचारीलाई पुरस्कृत महावु गाउँपालिकाका प्रमुख प्रशासकीय अधिकृत उदय उपाध्यायले जानकारी दिए । उनले गाउँपालिकामा कार्यरत प्राविधिक सहायक सन्तोष प्रसाद काफ्ले र कार्यालय सहयोग टोप बहादुर थापालाई पुरस्कृत गरिएको बताए । उनले उत्कृष्ट कर्मचारीलाई जनही दश हजार नगद र प्रमाण पत्रले सम्मान गरिएको बताए ।

महावु गाउँपालिकाका उपाध्यक्ष मञ्जु पाण्डेले निजामती कर्मचारी दिवसको अवसरमा सम्पूर्ण कर्मचारीमा शुभकामना व्यक्त गर्दै गाउँपालिकामा राम्रो र उत्कृष्ट काम गर्ने कर्मचारीलाई गाउँपालिकाले निरन्तर पुरस्कृत गर्ने बताइन । उनले जनतालाई सहज रूपमा सेवा प्रवाह गर्ने र सुशासनमैत्री हुन आग्रह गरेकी छिन ।