हाईस दुर्घटना,एकको मृत्यु, नौ घाइते

कालिकोट  :  बिहीबार दिउँसो कालिकोटको सिम्ले खोलका भएको हाईस दुर्घटना परी एक जनाको मृत्यु भएको छ भने नौ जना घाइते भएका छन् । कर्णाली राजमार्ग अन्तर्गत खाडाचक्र नगरपालिका–८ सिम्ले खोला दिउँसो ३ः४५ बजेतिर कर्णाली प्रदेश ०२००१ ख २१० नम्बरको हाईस दुर्घटना भएको थियो।

जिल्ला प्रहरी कार्यालय कालिकोटका प्रहरी प्रमुख शिद्धराज न्यौपानेले हाईस दुर्घटनाबाट एक जनाको मृत्यु भएको जानकारी दिए । प्रमुख न्यौपानेले उक्त हाईसमा करिब २० जना यात्रु सवार रहेको अनुमान गरिएको बताए ।

उनले मृत्यु हुने हाईसको सह–चालक भनिएपनि पुष्टि भने हुन नसकेको न्यौपनेको भनाई रहेको छ । गाडी कालीकोटको मान्मादेखि नाग्मतर्फ जाँदै थियो । यद्यपी घाइतेहरुलाई उपचारका लागि जिल्ला अस्पताल कालिकोट रिफर गरिएको छ । मृतक र घाइतेहरुको नाम पुष्टि हुन सकेको छैन् ।