टिप्परको ठक्कर बाट बालकको मृत्यु

दैलेख  :  मिनी ट्रकको ठक्करबाट एक जनाको मृत्यु भएको छ । बुधवार दिउँस १ बजे जिल्लाको चामुण्डाबिन्द्रासैनी नगरपालिका–७ पाल्तडा बजार स्थित सुर्खेत देखि अछाम तर्फ जादै गरेको भे १ ख ३४३८ नं. को मिनि ट्रकले पैदल यात्री आठबिस नगरपालिका–२ का कबि खनालको छोरा ९ बर्षीय यगेन्द्र खनाललाई ठक्कर दिएको हो ।

मिनी ट्रकको ठक्करबाट खनालको घटना स्थलमै मृत्यु भएको दैलेख प्रहरीले जनाएको छ । जिल्ला प्रहरी कार्यालय दैलेखका प्रहरी प्रमुख अनुपम श्रेष्ठले सवारी चालक आठबिस नगरपालिका–३ का २६ बर्षीय साजन शाही र मिनि ट्रक नियन्त्रणमा लिई आवश्यक अनुसन्धान गरिरहेको बताए ।