टोकियो ओलम्पिकमा एलेक्सले बनाए राष्ट्रिय कीर्तिमान

काठमाडौं :   नेपालको प्रतिनिधित्व गर्दै टोकियो ओलम्पिक २०२० मा स्वीमङमा प्रतिस्पर्धा गर्न जापान पुगेका एलेक्स गडेगार्ड साहले १०० मिटर फ्रि(स्टाइलमा राष्ट्रिय कीर्तिमान बनाएका छन् । एलेक्सले १०० मिटरको दूरी ५३।४१ सेकेन्डमा पूरा गर्दै आफ्नै नाममा रहेको ५५।३८ सेकेन्डको कीर्तिमान सुधारेका हुन् ।

मंगलबार नौ वटा हिट चरण छन् । यसबाट शीर्ष १६ खेलाडीले सेमिफाइनलमा स्थान बनाउँनेछन् । हिट् १ मा अन्य ६ खेलाडीसँगै प्रतिस्पर्धा गरेका एलेक्सले प्रथम स्थान हासिल गरेका थिए । यद्यपि, अन्य हिटमा रहेका उत्कृष्ट खेलाडीले उनीभन्दा राम्रो समयको नतिजा निकालेसँगै एलेक्सको सेमिफाइनल प्रवेशको सम्भावना भने टुङ्गिएको छ ।
हिट वानमा उनीसँगै भुटान, कोसोभो, माल्दिभ्स, सोलोमोन आइल्याण्ड, गुयना र प्यालेस्टिाइनका खेलाडी छन् । पौडीबाट प्रतिस्पर्धा गर्ने अर्की नेपाली खेलाडी गौरिका सिंहको खेल भने बुधबार छ ।
यसअघि सुटिङकी कल्पना परियार र जुडोकी सोनिया भट्ट आफ्नो सुरुआती चरणबाटै बाहिरिएका थिए । कल्पना भने राष्ट्रिय कीर्तिमान बनाउन सफल भइन् । एथलेटिक्सबाट प्रतिस्पर्धा गर्न लगेकी सरस्वती चौधरीको खेल भने शुक्रबार छ । नेपालबाट टोकियो ओलम्पिकमा ४ खेलका ५ खेलाडीले प्रतिस्पर्धा गर्ने अवसर पाएका थिए ।