जवरजस्तीकरणीको आरोपमा पक्रउ

दैलेख  :  २३ वर्षीया युवतीलाई जबरजस्ती करणी गरेको आरोपमा प्रहरीले एकजनालाई पक्राउ गरेको छ । गुराँस गाउँपालिका–३ का भद्रबहादुर बुढालाई पक्राउ गरिएको जिल्ला प्रहरी कार्यालय दैलेखले जानकारी दिएको छ । जिल्ला प्रहरी कार्यालयका प्रहरी नायब उपरीक्षक (डीएसपी) अनुपम श्रेष्ठले जानकारी बुढाले ती युवतीलाई असार ६ गते आफ्नै घरको भान्सामा लगेर जबरजस्ती करणी गरेको पीडित परिवारले मंगलबार प्रहरीमा जाहेरी दिएपछि पक्राउ गरिएको जानकारी दिए ।

ती युवती असार ६ गते गुराँस गाउँपालिका–३ सेरीवाडास्थित आफ्नो आफन्तले बनाएको नयाँ घरको घर पैँचोमा गएको बताइएको छ । उनी सोहि दिन मामा घर जान लागको र मामा घर जान लागेको मौका छोपी ती युवतीलाई भद्रबहादुरले मेरो घरमा सुत्न जाम भनेर हात समाती लतार्दै लगेको प्रहरीको प्रारम्भिक अनुसन्धानले खुलेको छ । मुख थुनेर चिच्याउन कराउन नदिइ भद्रबहादुरले युवतीलाई आफ्नै घरको भान्सामा लगेर जबरजस्ती करणी गरेको प्रहरीले जनाएको छ ।
पीडित युवतीको आमाले दिएको जाहेरीका आधारमा भद्रबहादुरलाई पक्राउ गरिएको डीएसपी श्रेष्ठले जानकारी दिए । पक्राउ परेका भद्रबहादुरलाई जबरजस्ती करणीसम्बन्धी कसुर मुद्दा दर्ता गरी दैलेख जिल्ला अदालतबाट पहिलो पटक १० दिनको म्याद थप गरी घटनाको सम्बन्धमा थप अनुसन्धान भइरहेको जनाइएको छ ।