कर्णाली एमाले पदाधिकारीमा गुलाबजङ्गको प्यानल नै निर्वाचित

दैलेख  :   नेकपा एमाले कर्णाली प्रदेश कमिटीको अध्यक्ष पदमा गुलाबजङ्ग शाहको प्यानल नै निर्वाचित भएको छ । अध्यक्षका उम्मेदवारद्धय मीनबहादुर शाही र प्रकाश रोकायलाई पछि पार्दै शाह ३६९ मत प्राप्त गर्दै प्रदेश कमिटीको अध्यक्षमा निर्वाचित भएका हुन् ।
शाहका प्रतिस्पर्धी शाहीले २०७ र रोकायले ४ मत मात्र पाएका छन् । त्यस्तै उपाध्यक्षमा टेकराज पछाइ निर्वाचित भएका छन् । उनले ३४६ मत पाएका छन् । उपाध्यक्षका अर्का उम्मेदवार लाल बहादुर महतराले १७६ मत प्राप्त गरेका छन् ।

सचिव पदमा ध्रुव शाही निर्वाचित भएका छन् । शाहीले ४०४ मत प्राप्त गरेका छन् । सचिवका अर्का उम्मेदवार रुद्र शाहीले १६९ मत पाएका छन् । उपसचिवमा रविन्द्र शर्मा र रेमश बहादुर शाही निर्वाचित भएका छन् । शर्मा २९९ मत र रमेश शाहीले २६६ मत सहित उपसचिवमा निर्वाचित भएका हुन् ।
पदाधिकारीको मतगणना सम्पन्न भएपछि आजै भुगोल तर्फ र खुल्ला तर्फका प्रदेश कमिटिका सदस्यहरुको मतगणना सुरु हुने निर्वाचन समितिले जानकारी दिएको छ ।