उपनिर्वाचनका लागि तीन निर्वाचन क्षेत्रमा ६९ को उम्मेदवारी दर्ता

काठमाडौं  : बैशाख १० गते हुने उपनिर्वाचनका लागि ६९ जनाले उम्मेदवारी दर्ता गराएका छन्। तीनवटा निर्वाचन क्षेत्रमा हुने उपनिर्वाचनका लागि सोमबार ६९ जनाले उम्मेदवारी दर्ता गराएका हुन्। निर्वाचन आयोगका अनुसार चितवन २ मा २४ जना, तनहुँ १ मा ९ जना र बारा २ मा ३६ जना उम्मेदवारले उम्मेदवारी दर्ता गराएका हुन्। जसमा ३३ जना दलको तर्फबाट र ३६ जना स्वतन्त्र रहेका छन्।