कर्णाली प्रदेशमा पूर्व प्रदेश सभा सदस्य मञ्च गठन

सुर्खेत  :  कर्णाली प्रदेशमा पूर्व प्रदेश सभा सदस्य मञ्च गठन भएको छ । प्रदेश सभामा पहिलो कार्यकालमा निर्वाचित प्रदेश सभा सदस्यहरूले पूर्व प्रदेश सभा मञ्च गठन गरेका हुन् । मञ्चको अध्यक्षमा दल रावल चयन भएका छन् । मञ्चको उपाध्यक्षमा अमृता शाही, महासचिवमा कृष्णा शाह, सचिवमा पद्मा खड्का र कोषाध्यक्षमा मीनासिंह रखाल रहेका छन् । यस्तै सदस्यमा करविर शाही, राजु नेपाली, नन्दसिंह बुढा, वद्यमी बोहोरा, रातो कामी र झोवा कामी रहेको मञ्चका अध्यक्ष दल रावलले बताए ।

बुधबार प्रदेश सभा सचिवालयमा पत्रकार सम्मेलन गर्दै कर्णाली प्रदेश सभाको पहिलो पाँच वर्षको सिकाइ र अनुभव आदान प्रदानका साथै प्रदेश सभा सांसदबिच भाईचाराको सम्बन्ध विकास गर्ने उद्देशले मञ्च गठन गरिएको मञ्चका अध्यक्ष दल रावलले जानकारी दिए ।