महावु गाउँपालिका अध्यक्ष गुरुङको निधन

दैलेख  : महावु गाउँपालिका अध्यक्ष लछुमन गुरुङको मृत्यु भएको छ । ७९ वर्षिया गुरुङको जिल्ला अस्पताल दैलेखमा उपचारको क्रममा मृत्यु भएको हो । जिल्ला अस्पताल दैलेखका डाक्टर सुशिला कटुवालले उपचारको क्रममा मृत्युभएको जानकारी दिइन । उनले जिल्ला स्वास्थ्य सेवा कार्यालयमा ल्याँउदा उहाँको अवस्था अन्तीम अवस्था थियो बचाउँने कोशिस गरे पनि सम्भव भएन ।

महावु गाउँपालिकाका लेखा अधिकृत खगेन्द्र बिसीले बिहिवार गाउँपालिकामा आयोजना गरेको कार्यक्रममा सहभागी हुदै गर्दा स्वास्थ्यमा समस्या भएपछि जिल्लामा अाँएर औषधी लिएर घर फर्केको जानकारी दिए । उनले शुक्रवार (आज) उपचारका लागी काठमाण्डौ जाने तयारी गरी गाउँपालिकामा बाट हिड्नु भएको हो बिचबाटोमै दुखद घटना घटेछ ।

अध्यक्ष गुरुङमा सुगर प्रेसर जस्ता कुनै पनि समस्या नभएको उहाँका छोरा बिनय गुरुङले जानकारी दिए । नेपाली काँग्रेसका महाधिबेशन प्रतिनिधि समेत रहनुभएका गुरुङ २०७९ साल बैशाखमा भएको स्थानीय तहको निर्वाचनमा नेकपा एमालेका उम्मेदवार पराजीत गरी बिजयी भएका थिए ।