जुम्लामा भ्यान दुर्घटना, १० घाइते

जुम्ला  : जुम्लाको तातोपानी गाउँपालिका–२ बाबिरामा भ्यान दुर्घटना भएको छ। दुर्घटनामा परी उक्त जिपका सवार १० जना घाइते भएका छन्।

जिल्ला प्रहरी कार्यालय जुम्लाका डिएसपी नरेन्द्र चन्दले जुम्ला सदरमुकाम खलंगादेखि कालिकोटको नाग्म जाँदै गरेको भे १ ज १२२० नम्बरको जिप दुर्घटना भएको बताए। उनका अनुसार भ्यानमा १० जना यात्रु थिए। सबै यात्रु घाइते भएका छन्।

घाइतेलाई कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा ल्याउन थालिएको छ। केही सामान्य घाइते छन्। केही यात्रुलाई गम्भीर चोट लागेको देखिएको छ।

डिएसपी चन्दले भने,‘अहिले घाइतेको उद्धार भइरहेको छ। घाइते ल्याउन कर्णाली स्वास्थ्य विज्ञान प्रतिष्ठान शिक्षण अस्पताल जुम्लाबाट एम्बुलेन्स गइरहेको छ। तीव्र गतिमा आएको भ्यान सिधै सडकबाट खोलामा गएको स्थानीय लोकबहादुर दमाईंले जानकारी दिए।
उनले भने, ‘भ्यान सिधै खोलामा गएर मात्र बच्यो। अन्यत्र खसेको भए सबैको अवस्था दयनीय हुने थियो।’