कर्णाली प्रदेशको काँग्रेस सभापतिमा ललितजङ्ग शाही बिजयी

सुर्खेत  :  नेपाली काँग्रेसको कर्णाली प्रदेश सभापतिमा ललितजंग शाही निर्वाचित भएका छन । उनले चार सय २२ मत ल्याएर बिजयी भएका हुन । प्रदेश सभापतिका लागि शनिवार निर्वाचन भएको थियो । उनी संस्थापन (देउवा) पक्षका हुन । सभापतिका लागि तीन जना उम्मेदवार रहेका थिए ।
यस्तै वरिष्ठ नेता रामचन्द्र पौडेल पक्षका भूपेन्द्रजंग शाहीले ३१७ मत ल्याएका छन । नेता विमलेन्द्र निधि पक्षबाट सभापतिका उम्मेदवार बनेका मोतीराज बमले ७ मत मात्रै ल्याएका छन । निर्वाचन समितिका अनुसार ७५४ मत खसेको थियो । अन्य पदाधिकारीमा पनि देउवा प्यानलका उम्मेदवार बिजयी भएका छन ।