Loading... आजः बिहिबार, मंसिर १६, २०७८
Trending

युवाले उठाए खुल्लामञ्चमा थुप्रिएको फोहोर

सुर्खेत  :  वीरेन्द्रनगरस्थि क्वारेन्टिन क्षेत्रमा थुप्रिएको फोहोर युवाले सफा गरेका छन् । कोरोनाभाइरस महामारीका बेला कर्णाली सरकारले निर्माण गरेको घण्टाघर क्वारेन्टिन क्षेत्रमा शनिबार युवाले सफाई गरेका हुन् ।

प्रदेश सरकारले क्वारेन्टिन हटाएको दुई महिना बित्दा पनि उक्त क्षेत्र सफाइ हुन् सकेको थिएन् । ‘प्रदेश सरकारले क्वारेन्टिन हटायो, आर्मी उठेर गयो तर, फोहोर महिनौदेखि त्यहीँ थुप्रियो, सरकारले नदेखे पछि हामीले ‘साझा अभियान’ नै थालेर सफा गर्‍यौं,’ अभियानका संयोजक अनिल ढकालले भने ।

वीरेन्द्रनगर प्रदेश राजधानी भएकाले नगरलाई सफा र हरियाली सहरको रुपमा विकास गर्न ‘साझा अभियान’ले निरन्तर सरसफाइ अभियान थाल्ने संयोजक ढकालले बताए ।प्रदेश राजधानी वीरेन्द्रनगरलाई स्वच्छ, सफा र हरियाली सहरको परिचय दिन् ‘साझा अभियान’को अवधारण ल्याइएको ‘क्लिन सुर्खेत, ग्रिन सुर्खेत’का अभियान्ता यज्ञ खत्रीले बताए ।

‘वीरेन्द्रनगरको जनसंख्या दिनहुँ बढ्दो, सहर फोहोरी बन्दैछ । त्यसैले थालियो ‘साझा अभियान’ हामी सबैको साझा प्रयासबाट वीरेन्द्रनगरलाई स्वच्छ, सफा र हरियाली सहरको परिचय दिन चाहान्छौं,’ अभियन्ता खत्रीले भने ।

विगत तीनवर्षदेखि वीरेन्द्रनगरमा ‘क्लिन सुर्खेत, ग्रिन सुर्खेत’ अभियान सञ्चालन गर्दै आएका नवराज केसी भने बाहिर देखिने फाहोरमात्र नभई फोहोरी मानसिकतालाई पनि सफा गर्नुपर्ने बताउँछन् । ‘हामीले जसरी मीठो खाना र राम्रो कपडाको बारेमा सोच्छौं, त्यसैगरि आफूले उव्जाएको फोहर व्यवस्थापनका बारेमा पनि सोच्न आवश्यक छ,’ केसीले भने । साझा अभियानमा जिल्लास्थित विभिन्न संघ–संस्था, राजनीतिक दलका भातृ संगठन, विश्वविद्यालयका विद्यार्थी र अभियन्ता साझा अभियानमा आवद्ध छन् । साभार नेपाली रैवार

error: Content is protected !!