दैलेखको कोतगढी र सुर्खेतको गढी पुनर्निर्माण नेपाली सेनाले गर्ने

सुर्खेत  :  नेपाली सेनाले स्थानीय तहसँगको सहकार्यमा सुर्खेतको बयालकाँडा गढी र दैलेखको कोतगढीको संरक्षण तथा पुनर्निर्माण गर्ने भएको छ । रणनीतिक महत्त्व बोकेका देशभरका ऐतिहासिक गढी तथा किल्लाहरुको ‘राष्ट्रिय एकीकरण मार्ग’ अन्तर्गत कोतढी र गढीको संरक्षण गर्ने अभियान सेनाले थालेको हो ।
वीरेन्द्रनगर नगरपालिका वडा नं। १४ गोठीकाँडामा अवस्थित बयालकाँडा गढी ५ कट्ठा १३ धुर जग्गामा रहेको छ । नेपाल एकीकरणको दौरान उक्त क्षेत्रको सुरक्षाको लागि बहादुर शाहको पालामा गोर्खाली फौजले गढी निर्माण गरेको हुनसक्ने सेनाको भनाइ छ ।

‘अहिलेसम्मको खोजबाट बहादुर शाहको पालामा गढी बनेको खुल्न आएको छ, थप खोज–अनुसन्धान पनि भइरहेको छ, गढी पुनर्निर्माणबारे छलफल गर्न आयोजित अन्तरक्रियमा नेपाली सेनाका उत्तरपश्चिम पृतनापति विज्ञानदेव पाण्डेले भने, गढीको संरक्षणबाट गोठीकाँडा क्षेत्रको ऐतिहासिक, पुरातात्विक र पर्यटकीय महत्त्व बढ्ने विश्वास गरेका छौं । बयलकाँडाका साथै दैलेखको कोतगढीको पनि संरक्षण गरिने उनले बताए ।

नेपाली सेनाले चालु आर्थिक वर्षमा बयलकाँडा गढी संरक्षणको लागि ५ लाख रुपैयाँ छुट्याएको थियो । उक्त बजेटबाट गढी संरक्षणबारे अन्तरक्रिया, स्थलगत अध्ययन र गढीको स्केच ९डिजाइन० बनाउने काम भएको पृतनापति पाण्डेले जानकारी दिए ।

उनका अनुसार नेपाली सेनाले तयार पारेको स्केचलाई पुरातात्त्विक विभागले स्वीकृत गरेपछि मात्र गढी संरक्षण र पुननिर्माणको काम थालिने छ । गढी पुनर्निर्माण र संरक्षणको लागि स्थानीय तह र पुरातत्त्व विभागसँग सहकार्य गर्ने नेपाली सेनाको नीति रहेको उनले बताए । साभार नेपाली रैवार