Loading... आजः आइतवार, जेष्ठ २, २०७८
Trending

विकास नेपालीको हातबाट जुस पिएर तोडे डा. केसीले १९ औं सत्याग्रह

काठमाडौं– चिकित्सा शिक्षा तथा स्वास्थ्य क्षेत्रको सुधारका लागि विभिन्न माग गर्दै अनसनरत डा गोविन्द केसीले २८ औँ दिनमा आज सत्याग्रह तोडेका छन्।

उनले त्रिवि शिक्षण अस्पतालको आगनमा अस्पतालका कर्मचारी विकास नेपालीको हातबाट जुस खाएर सत्याग्रह तोडेका हुन्। नेपाली कोरोना संक्रमण भएर निको भएका कर्मचारी हुन्।

डा केसी र सरकारी टोलीबीच शनिबार राति ११ बजे ८ बुँदे सहमति भएपछि उनी सत्याग्रह तोड्न सहमत भएका हुन्।

शनिबार राति ११ बजे त्रिवि शिक्षण अस्पतालमा सरकार र डा केसी पक्षका प्रतिनिधिबीच भएको वार्तापछि ८ बुँदे सहमति भएको थियो।

सहमति पत्रमा सरकारका तर्फबाट सरकारी वार्ता टोलीका संयोजक गोपीनाथ मैनाली र डा गोविन्द केसीले हस्ताक्षर गरेका थिए।
उक्त सहमतिपछि आज केसीले १९ औँ सत्याग्रहको २८ औँ दिनमा अन्त्य गरेका हुन्।

error: Content is protected !!