युवा संघको कर्णाली प्रदेश अध्यक्षमा जीवन शाही निर्वाचित

सुर्खेत  :   नेकपा एमाले निकट राष्ट्रिय युवा संघको कर्णाली प्रदेश अध्यक्षमा दैलेखका जीवन शाही चयन भएका छन् । प्रदेश राजधानीमा भएको संघको पहिलो अधिवेशनले शाहीलाई सर्वसम्मत रूपमा चयन गरेको हो ।
युवा संघ दैलेखको अध्यक्ष समेत भइसकेका उनी स्वास्थ्यकर्मी पनि हुन्। यस्तै उपाध्यक्षमा कालिकोटका गणेश, सचिवमा सुर्खेतका पिटर चुनारा चयन भएका छन् ।
शाही राष्ट्रिय युवा संघ दैलेखको अध्यक्ष र केन्द्रिय सदस्य समेत भई सकेका छन ।