दार्चुलाको हिमपहिरोमा पाँच जना बेपत्ता

दार्चुला  :  हिमपहिरोमा परी यार्सागुम्बा टिप्न गएका पाँच जना बेपत्ता भएका छन्। अन्य सात जनाको सकुशल उद्धार गरिएको प्रहरीले जनाएको छ।
दार्चुलाको ब्यास गाउँपालिका(१ बोलिनमा यार्सागुम्बा खोज्न गएकाहरू त्रिपालमा बसिरहेका बेला हिमपहिरो गएको थियो। हिमपहिरोको खबरलगत्तै उद्धारका लागि छाङरुस्थित ५० नम्बर गुल्मबाट प्रहरी खटिएका थिए।

हिमपहिरोमा परेका १२ जनामध्ये ४ महिला र एक पुरुष गरी पाँच जना बेपत्ता रहेको र ६ पुरुष र एक महिलासहित सात जनाको उद्धार गरिएको प्रहरीले जनाएको छ। लगातार पानी र हिउँ परेका कारण उद्धारमा कठिनाइ भएको प्रहरीले जानकारी दिएको छ।