जाजरकोटमा बेलिब्रिज भाँचिदा दुईको ज्यान गयो

जाजरकोट  :  जाजरकोट र रुकुम जोड्ने निर्माणाधीन बेलिब्रिज भाँचिदा दुई जनाको ज्यान गएको प्रहरी जनाएको छ । जाजरकोटको नलगाड नगरपालिका १२ तल्लु ठुलाबगरमा निर्माण भइरहेको बेलिब्रिज भाँचिदा दुई जनाको ज्यान गएको हो । यस्तै अन्य दुई जना घाइते भएका छन् ।

उनीहरूको परिचय खुल्न नसकेको र प्रहरी टोली घटनास्थल जाँदै गरेको जाजरकोटका प्रहरी नायब उपरीक्षक सन्तोष रोकाले जानकारी दिए ।
घटनास्थल जाजरकोट–डोल्पा सडक भेरी कोरीडोरमा पर्छ ।