कर्तब्य ज्यान मुद्धामा फरार प्रतिबादी पक्राउ

दैलेख  :  कर्तव्य ज्यान मुद्दामा दुई वर्षदेखि फरार रहेका प्रतिबादी पक्राउ परेका छन् । कोपीला बुढा मगरको जाहेरीमा कर्तब्य ज्यान मुद्धामा फरार रहेका प्रतिबादीलाई पक्राउ गरिएको जिल्ला प्रहरी कार्यालय दैलेखले जानकारी दिएको छ ।
जिल्ला प्रहरी कार्यालय दैलेखका प्रहरी निरीक्षक दिपकसिहं बिष्टको टोलीले फरार प्रतिबादी नौमुले गाउँपालिका–४ बाङ्गेबजार बस्ने ३० वर्षीय छबिन्द्र बुढा मगर,३१ वर्षीय कमल सारु मगर र ४२ वर्षीय कर्मसिंह दर्लामीलाई नौमुले गाउँपालिका–४ बाङ्गेबजार र वडा नम्बर १ नौमुले बजारबाट उनीहरू पक्राउ गरेको हो । प्रहरी निरीक्षक बिष्टले जिल्ला अदालत दैलेख बाट जारी भएको पक्राउ पुर्जीका आधारमा उनीहरुलाई पक्राउ गरिएको जानकारी दिए । उनले उनीहरूमाथि थप अनुसन्धान भइरहेको जानकारी दिए ।