ट्याक्टर दुर्घटना, एकको मृत्यु

दैलेख  :  ट्याक्टर दुर्घटना हुँदा एक जनाको मृत्यु भएको छ । शनिवार साझ दैलेख सदरमुकाम नजिकै मध्य पहाडी राजमार्गको गहतारीमा भएको दुर्घटनामा परी नारायण नगरपालिका १० भवानीका २३ वर्षीय रमेश विकको उपचारको क्रममा मृत्यु भएको जिल्ला प्रहरी कार्यालय दैलेखले जानकारी दिएको छ ।
जिल्ला प्रहरी कार्यालय दैलेखका प्रहरी प्रमुख (डिएसपी) भुवनेश्वरप्रसाद साहले छाम घाट खोलाबाट ढुङ्गा बोकेर किम गाउँतर्फ जाँदै गरेको भे २ त १४७८ नम्बरको ट्याक्टर पल्टिएर घाइते भएको र उपचारका लागी जिल्ला अस्पतालमा मृत्यु भएको बताए । उनले ट्याक्टर चालक भगवतीमाई गाउँपालिका ७ बडाभैरबका कृष्णबहादुर बिक फरार भएकाले उनको खोजी गरिरहेको बताए । मृतक रमेश बिक पनि ट्याक्टर चालक रहेको प्रहरीले जनाएको छ ।