उत्कृष्ट कर्मचारी सम्मानीत

दैलेख  :  नारायण नगरपालिकाले आफ्नो नगरसभाको अवसरमा नगरपालिकामा कार्यरत कर्मचारीलाई सम्मान गरेको छ । नारायण नगरपालिकाको दशौँ नगरसभाको अवसरमा उत्कृष्ट कार्य गर्ने कर्मचारीलाई सम्मान गरेको हो । उत्कृष्ट हुने कर्मचारीलाई सम्मान गर्दै नारायण नगरपालिका दैलेखका नगर प्रमुख लोमन शर्माले नारायण नगरपालिकाको बिकास र समृद्धिको यात्रालाई अगाडी बढाउन महत्वपुर्ण भुमिका निर्वाह गर्ने कर्मचारीलाई प्रोत्साहन वापत सम्मान गरिएको बताए । उनले आफ्नो कार्यकालमा राम्रो गर्ने कर्मचारीलाई प्रोत्साहन गर्न सम्मान गर्दै जाने बताउँदै त्यस अनुसार काम गर्न कर्मचारीलाई निर्देशन दिएका छन ।
सम्मान हुनेहरुमा स्वास्थ्य शाखाका प्रमुख नगेन्द्र हमाल, सुचना प्रविधि अधिकृत प्रकाश कुमार बुढा,मोहन कुमार थापा,नेत्र बहादुर बस्नेत,पुर्ण प्रसाद कोइराला,प्रेम प्रसाद उपाध्याय,विष्णु कुमारी खड्का,राजीव भारती ,सवारी चालक दुई जना, शिक्षक दुई जना र एक कार्यालय सहयोगी रहेको बताइएको छ ।