जीप दुर्घटना, एकको मृत्यु,आठ घाईते

दैलेख  :  जिल्लाको भगवतिमाई गाउँपालिका वेस्तडादेखि दैलेख बजार आउँदै गरेको जिप दुर्घटना हुँदा एक जनाको मृत्यु र आठ जना घाइते भएका छन । लु २ च ४८२९ नम्बरको जिप नारायण नगरपालिका–११ लोहोरेमा बुधवार बिहान करिब ९ बजे दुर्घटना भएको हो ।

दुर्घटनामा जीप चालक भगवतिमाई–६ घर भई भगवतिमाई गाउँपालिका बेस्तडा बस्ने वर्ष २९ को कृष्ण रोकायाको मृत्यु भएको जिल्ला प्रहरी कार्यालय दैलेखका प्रमुख भुवनेश्वरप्रसाद शाहले जानकारी दिए ।

उनले जीपमा सवार बर्दिया माझगड बस्ने वर्ष ६९ को नर बहादुर बुढा,भगवतिमाई गाउँपालिका –६ बस्ने वर्ष २३ को गिता शर्मा,भगवतिमाई गाउँपालिका –१ का वर्ष ३५ को कल्पना रोकाय,भगवतिमाई गाउँपालिका ६ बस्ने वर्ष २० को प्रेम बहादुर बिसी, वर्ष ३२ को कृष्ण बहादुर बुढा,वर्ष १९ को दशरथ सिह,वर्ष २८ को बम बहादुर बिसी, वर्ष २४ को मिना अधिकारी घाईते भएको र तीन जनको अवस्वा गम्भिर रहेको जानकारी दिए ।

जीप र्दुघटनामा सामान्य घाईतेहरुको जिल्ला अस्पतालमा उपचार भइरहेको र तीन जना गम्भिर घाईतेलाई थप उपचारका लागि प्रदेश अस्पताल सुर्खेतमा रिफर गरिएको बताए ।