निर्वाचनपछि पुन एमाले नेतृत्वको सरकार बन्छः अध्यक्ष ओली

काठमाडौं  : नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीले आगामी निर्वाचनपछि पुनः एमाले नेतृत्वको बलियो सरकार बन्ने दावी गगरेका छन । एमाले काठमाडौं महानगर कमिटीद्वारा आयोजित भेलालाई शनिबार यहाँ सम्बोधन गदै अध्यक्ष ओलीले सो दावी गरेका हुन ।

अध्यक्ष ओलीले मेलम्चीको पानी उपत्यकामा पुनः ल्याउनलाई एमाले नेतृत्व सरकार नै बन्ने बताए । आगामी वैशाखसम्म पनि मेलम्ची पानी ल्याउन नसक्ने उनले दावी गरे । एमाले कसैको बैशाखी टेकेर चुनावमा नजाने जनताको साथ र सहयोगमा पहिलो पार्टी बनेर सरकार बनाउने उनले विश्वास व्यक्त गरे ।

एमाले नेतृत्वको सरकारले विकासको धेरै काम गरेको चर्चा गदै अध्यक्ष ओलीले जहाँ उभिए पनि विकासको काम देखिनेगरी काम गरिएको दावी गरे । समृद्ध नेपाल र सुखी नेपाली बनाउने अभियान एमालेको भएकाले देशको मुहार फेर्न पुनः एमाले सरकारमा आउन अनिवार्य रहेको अध्यक्ष ओलीले चर्चा गरे ।