सक्रिय राजनीतिमा फर्कने पूर्व राष्ट्रपति भण्डारीको घोषणा

काठमाडौँ  : पूर्व राष्ट्रपति विद्यादेवी भण्डारीले सक्रिय राजनीतिमा फर्किने घोषणा गरेकी छिन । उनले एमालेमै रहेर जीवनभर पार्टीको काम गर्ने अठोट गरेको घोषणा गरेकी हुन । शनिबार काठमाडौँमा जननेता मदनकुमार भण्डारीको ७४ औँ जन्मजयन्तीको अवसरमा आयोजित जबजका तीन दशक विषयक राष्ट्रिय गोष्ठीलाई सम्बोधन गर्दै उनले यस्तो बताएकी हुन ।

उनले सक्रिय राजनीतिमा काम गर्ने अभियानका साथ आफूले पार्टी सदस्यता नवीकरण गरेको उहाँले उल्लेख गरिन । उनले पार्टी सदस्यता नवीकरणसँगै एमालेको परिवारको एक सदस्यको रूपमा जोडिएको तर आफूसँग विशिष्ट आकाङ्क्षा नभएको बताइन ।

‘‘फरक ढङ्गको राजनीतिक जिम्मेवारीबाट मुक्त भएपछि नेकपा (एमाले)मै रहेर पार्टीको राजनीतिक यात्रालाई निरन्तरता दिने पवित्र उद्देश्यका साथ मैले पार्टी सदस्यता नवीकरण गरेको छु’’, उनले भनिन अब म नेकपा ९एमाले० परिवारको एक सदस्यको रूपमा पुनः जोडिएको छु र यसमा म गर्व गर्दछु । मेरो कुनै विशिष्ट महत्त्वाकाङ्क्षा छैन ।