नेपाल राष्ट्रिय शिक्षक संगठनको अध्यक्षमा शाही निर्वाचित

दैलेख  :   नेपाल राष्ट्रिय शिक्षक संगठनको अध्यक्षमा कालिकोटका हंसबहादुर शाही निर्वाचित भएका छन् । संगठनको १४ औँ महाधिवेशनबाट शाही अध्यक्षमा निर्वाचित हुँदा उहाँका प्रतिष्पर्धी यामबहादुर कुँवरले १६५ मत पाए भने कमला थापाले ११ मत पाइन् ।

यस्तै वरिष्ठ उपाध्यक्षमा जंगबहादर गर्वुजा ३०० मतका साथ विजयी भए भने संगम केसीले १५३ मत पाए । उपाध्यक्षमा खुल्लामा गोविन्द बहादुर भण्डारी २३८ मतका साथ विजयी हुँदा मनकाजी राईले २१० मत पाए । यस्तै महिला उपाध्यक्षमा अम्बिका चापागाईँले २९८ मत ल्याएर विजयी भइन् । लक्ष्मी दुलाल गजुरेलले १५३ मत पाइन् ।

महासचिवमा प्रकाश खनाल २४० मत ल्याएर विजयी भएका छन् । सुरेन्द्र कुमार घिमिरेले १७२ मत पाए । कोषाध्यक्षमा नरबहादुर रावल ३०२ मतका साथ विजयी भए ।