हृदयाघातबाट कार्यालय प्रमुखको निधन

दैलेख  :  कृषि विकास कार्यालय दैलेखका कार्यालय प्रमुख राजु भुजको निधन भएको छ । कार्यालयमा काम गरिरहेको समयमा उहाँलाई हृदयघात भएको थियो ।

भुजको उपचारको क्रममा जिल्ला अस्पताल दैलेखमा निधन भएको जिल्ला प्रहरी कार्यालयले जानकारी दिएको छ । जिल्ला प्रहरी कार्यालयका सूचना अधिकारी लालबहादुर सुनारले उपचारको क्रममा ५६ वर्षिय भुजको निधन भएको र शव पोष्टमार्टमका लागि आवश्यक जाहेरी दिने लगायतको काम भइरहेको जानकारी दिए ।

जिल्ला अस्पताल दैलेखका डा अभिषेक झाले अस्पतालमा लग्नेबित्तिकै अस्पतालमा भएका स्रोत साधन प्रयोग गरिए पनि बचाउन नसकिएको बताए । भुमि ब्यबस्था कृषि तथा सहकारी मन्त्रालय कर्णाली प्रदेश सुर्खेतमा योजना महाशाखामा कार्यरत भुज गत भदौ २१ गते कार्यालय प्रमुखका रुपमा हाजीर भएका थिए ।