बोलेरो दुर्घटना, बालक सहित आठ जना घाइते

दैलेख  :   दैलेखमा जिप दुर्घटना हुँदा बालक सहित ८ जना घाइते भएका छन् । बिहीबार दिउँसो दैलेख देखि बेस्तडा बजार जाँदै गरेको कर्णाली प्रदेश ०२००१ च ०५३५ नम्बरको जिप दुर्घटना हुँदा बालक सहित ८ जना घाइते भएका हुन् ।

मध्यपहाडी राजमार्ग अन्तरगत नारायण नगरपालिका ८ सिमाडा स्थित स्वास्थ्य चौकि नजिक दुर्घटना हुँदा बालक सहित ८ जना घाइते भएको जिल्ला प्रहरी कार्यालय दैलेखले जनाएको छ । घाइते मध्ये ५ जनालाई सुर्खेत रिफर गरिएको जिल्ला अस्पताल दैलेखले जानकारी दिएको छ । जिल्ला अस्पतालका अनुसार घाइतेहरु धेरै सिरियस नभएको भएपनि नाक,घाँटी, टाउँकोमा चोट देखिए पछि प्रदेश अस्पताल सुर्खेतमा रिफर गरिएको जनाएको छ ।