सिस्नेमा बस दुर्घटना आठ जना घाइते

दैलेख :  दैलेखको आठबिस नगरपालिका –३ सिस्नेमा बस दुर्घटना हुँदा आठ जना घाइते भएका छन । जुम्ला बाट टिकापुर जाँदै गरेको ना ४ ख ६०५६ नम्बरको बस बे्रक फेल हुँदा आठ जना घाइते भएको जिल्ला ट्राफिक कार्यालय दैलेखका प्रमुख टोपबहादुर महताराले जानकारी दिए । उनले बस ब्रेक फेल हुँदा भित्तामा ठोकिएर सडकमै पल्टिएपछि शुक्रबार दिउँसोबाट यातायात सञ्चालन हुन नसकेको बताए । दुर्घटनामा ८ जना यात्रु घाइते भएका छन् । घाइते आठजना मध्ये चार जनाको अबस्था गम्भिर रहेको प्रमुख महताराले बताए । उनीहरुलाई उपचारका लागि सुर्खेत पठाइएको छ । बसमा ३२ जना सवार थिए ।