बस दुर्घटना, दुई जनाको मृत्यु

सुर्खेत  :   दैलेखबाट सुर्खेत आउँदै गरेको बस वीरेन्द्रनगर नगरपालिका–७ सुर्खेतको कटकुवा नजिक दुर्घटनामा परेको छ। सोमबार दिउँसो कर्णाली प्रदेश ०२ ००१ ख ०८५२ नम्बरको बस दुर्घटनामा परेको हो।

जिल्ला प्रहरी कार्यालय सुर्खेतले उक्त दुर्घटनामा परि दुई जनाको मृत्यु भएको जनाएको छ। जिल्ला प्रहरी कार्यालय सुर्खेतका प्रहरी प्रमुख एसपी रुपेश खड्काले दुर्घटना पनि दुई जनाको मृत्यु भएको जानकारी दिए।

उनकाअनुसार मृत्यु हुनेमा दुल्लु नगरपालिका १० गमौडी घर भइ हाल ठाकुरवावा नगरपालिका ५ नेउलापुर निवासी ६५ वर्षीय शेरबहादुर खड्का छन् । अर्काको पहिचान हुन नसकेको प्रहरीले जनाएको छ ।