ट्रयाक्टर दुर्घनामा ज्यान जानेको संख्या तीन पुग्यो

दैलेख  :  दुल्लुमा भएको ट्रयाक्टर दुर्घटनामा ज्यान जानेहरुको संख्या तीन पुगेको छ । दुल्लु नगरपालिका–६ खच्चेगैराका ५५ वर्षीय मानबहादुर रावलको घटनास्थलमै र बाँकी दुई जनाको उपचारको क्रममा कर्णाली प्रदेश अस्पतालमा ज्यान गएको हो ।

बिद्युतको पोल हल्लिएर भे १ त ८९६ नम्बरको ट्रयाक्टर दुर्घटनामा मानबहादुर रावलको घटनास्थलमै, ५६ वर्षीय कमारो रावल र र ट्रयाक्टर चालक २५ वर्षीय कमल शाहीको उपचारको क्रममा प्रदेश अस्पताल सुर्खेतमा ज्यान गएको जिल्ला प्रहरी कार्यालय दैलेखका प्रहरी प्रमुख (डीएसपी)सुनिल दाहालले जानकारी दिए । मृतकहरू तीनै जना दुल्लु नगरपालिका–६ खच्चेगैराकाका बासिन्दा हुन् ।

दुल्लु नगरपालिका–६ लुजैमा बिद्युतीकरणका लागि विद्युतको पोल बोकेर जाँदै गर्दा हिजो अपरान्ह दुर्घटनामा परेको थियो । दुर्घटनामा घाइते भएका ४८ वर्षीय दानबहादुर रावल, ६० वर्षीय छबिलाल रावल, ३४ वर्षीय प्रेमबहादुर रावल र ट्रयाक्टर धनी ३१ वर्षीय ललितबहादुर खड्काको दुल्लू अस्पतालमा उपचार चलिरहेको प्रहरीले जानकारी दिइएको छ ।