ट्याक्टर दुर्घटना एकको मृत्यु, पाँचजना घाइते
दैलेख : दैलेखको दुल्लु नगरपालिका–६ धाडाको जङ्गलमा ट्याक्टर दुर्घटना हुँदा एकजनाको मृत्यु भएको छ भने पाँच जना घाइते भएका छन । दुर्घटनामा परी मृत्यु हुनेमा नगरपालिका–६ का ५५ वर्षीय मानबहादुर रावल रहेको जिल्ला प्रहरी कार्यालय दैलेखले जानकारी दिएको छ ।
जिल्ला प्रहरी कार्यालयका प्रहरी प्रमुख सुनिल दहालले विद्युत्को पोल बोकेर दुल्लुको भस्नेपाटीदेखि खड्केगैरा जाने क्रममा भे.१ त . ८९६ नम्बरको ट्याक्टर दुर्घटना हुँदा एकजनाको पाँच जना घाइते भएको जानकारी दिए ।
्प्रहरी प्रमुख दहालका अनुसार दुर्घटनामा परी घाइते हुनेहरूमा दुल्लु नगरपालिका–६ खच्चेगैराका ५६ वर्षीय कमारो रावल, ४८ वर्षीय दानबहादुर रावल, ६० वर्षीय छविलाल रावल, ३४ वर्षीय प्रेमबहादुर रावल र ३१ वर्षीय ललित खड्का रहेका छन्।
दुर्घटनामा परी घाइते भएका पाँचजनामध्ये तीनजनालाई थप उपचारका लागि कर्णाली प्रदेश अस्पताल सुर्खेत पठाइएको र अन्य दुईजनाको दुल्लु अस्पताल अस्पतालमा उपचार भइरहेको छ।