तरकारी बोकेको जिप दुर्घटना, दुई घाइते

दैलेख  :  दैलेखको गुराँस गाउँपालिकामा तरकारी बोकेको जिप दुर्घटनामा परेको छ। सोमबार बिहान ३ बजेको समयमा उक्त जिप दुर्घटनामा परेको हो। गुराँस गाउँपालिका–५ राके स्थित धर्मपोखरा–सुर्खेत सडक खण्डमा धर्मपोखराबाट सुर्खेतका लागि छुटेको कर्णाली प्रदेश ०२००१ च०२३० नम्बरको जिप दुर्घटनामा परेको प्रहरीले जनाएको छ।

तरकारी बोकेर ल्याएको बोलेरो जिप एक्कासी सडकबाट १०० मिटर तल खसेको थियो। उक्त जिप दुर्घटनामा परि चालक जगत थापा र सह–चालक प्रकाश रेग्मी घाइते भएका छन्। उनिहरुको कर्णाली प्रदेश अस्पताल कालागाउँमा उपचार भइरहेको प्रहरीले जनाएको छ।