दैलेखमा डुवेर एक जनाको मृत्यु

दैलेख :  पानीमा डुबेर दैलेखमा एक जनाको मृत्यु भएको छ। शनिबार दिउँसो साढे १२ बजेको समयमा एक जनाको मृत्यु भएको हो। डुङगेश्वर गाउँपालिका–६ न्याउले स्थित लोहोरे खोलामा डुबेर अन्दाजी ३५ वर्षीय शेरबहादुर गुच्चा मगरको मृत्यु भएको प्रहरीले जनाएको छ।

प्रहरीका अनुसार सुर्खेतको पञ्चपुरी नगरपालिका सुगरखाल घर भएका शेरबहादुर हाल दैलेखको गुरास गाउँपालिका–४ साल्तडा ससुराली घरमा बस्दै आएका थिए। डुबेर मृत्यु भएका शेरबहादुर नै रहेको उनका भेनाजु नाता पर्ने डम्बरबहादुर पुन मगरले प्रहरी समक्ष पहिचान खुलाएका थिए।