माटोले पुरिएर दुई कामदार घाइते

डोल्पा  :  डोल्पाको त्रिपुरासुन्दरी नगरपालिका– २ मा पर्ने रसीमा माटोमा पुरिएर दुई कामदार गम्भीर घाइते भएका छन् । आइतबार बिहान रसीस्थित माझगाउँभित्र झोलङ्गे पुल बनाउने क्रममा माटोमा पुरिएर जाजरकोट जिल्ला नलगाड नगरपालिका–५ का दुई युवा घाइते भएका हुन् ।

घाइते हुनेमा नलगार्ड नगरपालिका–५ का १८ वर्षीय दीपेन्द्र शाही र २१ वर्षीय बद्री शाही हुनुहुन्छ । दुवै जनालाई स्थानीयवासीले माटोबाट निकालिएको घाइतेका आफन्त लक्ष्मण शाहीले जानकारी दिए ।

घाइते एक जनाको खुट्टामा फलामको छड छिरेको र अर्का एक जनाको खुट्टा पूरै पिसिएको शाहीले बताए । घाइतेहरुको उद्धारका लागी त्रिपुरासुन्दरी नगरपालिकाबाट एम्बुलेन्ससहित प्रहरीको टोली घटनास्थलतर्फ गएको छ ।