नेपाली काँग्रेस त्यागेर एमालेमा प्रवेश

दैलेख  :  प्रतिनीधि सभा तथा प्रदेश सभा सदस्य निर्वाचन नजिकीदै गर्दा नेपाली काँग्रेसका नेता कार्यकर्ता काँग्रेस त्यागेर एमालेमा प्रवेश गरेका छन् । डुङ्गेश्वर गाउँपालिका वडा नम्बर २ लाँकुरीका काँग्रेस निकट नेता कार्यकर्ता एमालेमा प्रवेश गरेका हुन् । नेकपा एमाले दैलेख जिल्ला कमिटि सदस्य तथा डुङ्गेश्वर गाउँपालिका इन्चार्ज राजुकुमार खत्रीका अनुसार हिमबहादुर खत्री, हरिबहादुर खड्का रु रुद्धबहादुर खत्री एमालेमा प्रवेश गरेका हुन् ।

उनिहरुलाई नेकपा एमालेका केन्द्रीय सदस्य तथा कानून विभाग उपप्रमुख धर्मराज रेग्मीले स्वागत गरेका छन् । दैलेख निर्वाचन क्षेत्र नं। १ प्रदेश सभा १ बाट प्रदेश सभा सदस्यका उम्मेदवार समेत रहेका रेग्मीले एमाले दैलेखको पार्टी कार्यालयमा एमाले प्रवेशीहरुलाई स्वागत गरेका हुन् ।