केन्याले दियो नेपाललाई एक सय दुई रनको लक्ष्य

काठमाडौं  :  चौथो टि–२० खेलमा घरेलु टोलीले केन्याले नेपालाई १०२ रनको लक्ष्य प्रस्तुत गरेको छ । नैरोवीस्थित जिमखाना क्रिकेट मैदानमा टस जितेर पहिले ब्याटिङ गरेको केन्याले निर्धारित २० ओभरमा सबै विकेटको क्षतिमा १०१ रन बनायो ।

केन्याका लागि लुकास ओलुओचले सर्वाधिक ३३ रन बनाए । कोलिन्स अबुयाले २० र कप्तान शेम एन्गोचेले १३ रन बनाए । अन्य खेलाडीले दोहोरो अंकको रन बनाउन सकेनन् । केन्यालाई सस्तैमा रोक्न नेपालका कप्तान सन्दीप लामिछाने एक्लैले पाँच ५ विकेट लिएका थिए । आदिल अन्सारीले दुई तथा साहब आलम र दीपेन्द्रसिंह ऐरीले एक एक विकेट लिए । पाँच खेलको सिरिजमा नेपाल अहिले २–१ ले अगाडि छ ।

यस खेल जितेमा नेपाल एक खेल अगावै सिरिज च्याम्पियन बन्नेछ । केन्या पनि नेपाललाई रोक्दै सिरिज बराबरी गर्ने दाउमा छ । यसअघि नेपाल पहिलो खेलमा पाँच विकेट र तेस्रो खेलमा चार विकेटले विजयी भएको थियो ।

कमजोर ब्याटिङका कारण नेपाल दोस्रो खेलमा केन्यासँग १८ रनले पराजित भएको थियो । टी–२० सिरिजको अन्तिम तथा पाँचौं खेल नेपालले मंगलबार खेल्नेछ । त्यसपछि दुई टोलीबीच भदौ १७, १८ र २० गते एकदिवसीय सिरिज हुनेछ ।