थप ४४४ जनामा कोरोना पुष्टि, तीन जनाको मृत्यु

काठमाडौँ  :   नेपालमा पछिल्लो २४ घण्टामा थप ४४४ जनामा कोरोना भाइरसको संक्रमण पुष्टि भएको छ। स्वास्थ्य मन्त्रालयका अनुसार कोरोनाबाट पछिल्लो २४ घण्टामा तीन जनाको मृत्यु भएको छ। यससँगै हालसम्म कोरोनाबाट ज्यान गुमाउनेको संख्या ११ हजार ९९८ पुगेको छ।

बिहीबार ३०७ जना कोरोना संक्रमणमुक्त भएका छन्। हाल देशभर ४ हजार १९९ जना कोरोनाका सक्रिय संक्रमित रहेको स्वास्थ्य मन्त्रालयले जानकारी दिएको छ। गत २४ घण्टामा देशभर १ हजार ९९६ पीसीआर तथा २ हजार ९५८ एन्टिजेन परीक्षण भएको छ।