८३६ जनामा कोरोना संक्रमण, चार संक्रमितको मृत्यु

काठमाडौं  :  नेपालमा कोरोना थप ८३६ जनामा कोरोना संक्रमण देखिएको छ। देशभरि ६६५४ जनाको नमुना परीक्षण गर्दा यी संक्रमित देखिएको स्वास्थ्य तथा जनसंख्या मन्त्रालयले जनाएको छ।

पछिल्लो २४ घन्टामा १८२६ जना संक्रमित कोरोनमुक्त भएका छन् भने थप ४ जना संक्रमितको मृत्यु भएको छ। नेपालमा हालः २६ हजार १०२ सक्रिय संक्रमित रहेका छन्।

गत माघ ६ गते एकैदिन सबैभन्दा १२ हजार ३३८ जनामा कोरोना संक्रमित थपिएको थियो। तेस्रो लहरअन्तर्गत शनिबार सबैभन्दा कम संक्रमित थपिएको मन्त्रालयको कोरोना अद्यावधिक तथ्यांकले देखाएको छ।