२६० जना डिस्चार्ज,२६४ संक्रमित थपिए

काठमाडौं  :  पछिल्लो २४ घन्टामा थप २६४ जनामा कोरोना भाइरस (कोभिड–१९) संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार पछिल्लो २४ घन्टामा १२ हजार ५६६ नमूनाको परीक्षण गर्दा सो संख्यामा संक्रमण देखिएको हो।

मन्त्रालयका अनुसार थप २६० जना डिस्चार्ज भएका छन्। यो सहित नेपालमा कोरोना जित्नेको संख्या ८ लाख ११ हजार २६५ पुगेको छ। मंगलबार कोरोनाबाट थप २ जनाको मृत्यु भएको छ। सोमबार कोरोनाबाट १ जनाले ज्यान गुमाएको थियो।

हाल कोरोना सक्रिय संक्रमितको संख्या ४९ सय १० रहेको छ। मन्त्रालयका अनुसार पछिल्लो २४ घन्टामा २ लाख ८३ हजार २६५ जनाले कोरोनाविरुद्धको खोप लगाएका छन्।