थप ११५७ जनामा कोरोना संक्रमण, ८ जनाको मृत्यु
काठमाडौँ : नेपालमा पछिल्लो २४ घण्टामा १ हजार १५७ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार १० हजार ६५२ पीसीआर परीक्षणबाट ८९२ जना र ३ हजार ८८९ एन्टिजेन परीक्षणबाट २६५ जनामा कोरोना संक्रमण पुष्टि भएको हो।
यस्तै गत २४ घण्टामा देशभर कोरोनाबाट थप ८ जनाको मृत्यु भएको छ। यससँगै कोरोनाबाट ज्यान गुमाउनेको संख्या ११ हजार १२३ पुगेको स्वास्थ्य मन्त्रालयले जनाएको छ।
बुधबार १ हजार ११३ जना कोरोना संक्रमणमुक्त भएका छन्। हाल देशभर १८ हजार १९३ जना सक्रिय संक्रमित रहेका छन्।