मंगलबार ३९ सय संक्रमित थपिए, १७ सय जना डिस्चार्ज

काठमाडौं :  पछिल्लो २४ घण्टामा मुलुकमा ३८९९ जना कोभिड बिरामी थपिएका छन् । स्वास्थ्य तथा जनसंख्या मन्त्रालयका अनुसार १७ हजार ५१८ (१२६५५ पीसीआर र ४८६३ एन्टीजेन) नमुना परीक्षण गर्दा ती संक्रमित थपिएका हुन् । मंगलबार थप २० जनाको कोभिड संक्रमण मृत्यु भएको छ । १७७८ जना डिस्चार्ज भएका छन् ।

मंगलबारको संक्रमण दर २२.२५ प्रतिशत छ । सक्रिय संक्रमण दर वृद्धि भएर ४.२१ प्रतिशत पुगेको छ । मृत्युदर पनि बढेर १.४२ प्रतिशत पुगेको छ ।
काठमाडौंमा ४७५, ललितपुरमा १६७, भक्तपुरमा १३२, कास्कीमा २७८, चितवनमा १९३, सुनसरी १८९, मोरङमा २४९, झापामा २६१ जना संक्रमित थपिएका छन् ।

कूल संक्रमित संख्या ६ लाख ८५ हजार, कूल मृत्यु ९७५८ जना रहेको छ । १४ लाख ५७ हजारले पूर्ण डोज खोप लगाएका छन् ।