Loading... आजः शनिबार, माघ १०, २०७७
Trending

कोरोनाका ६४१ नयाँ सङ्क्रमित थपिए, कुल २६ हजार ६६०

काठमाडौँ :  कोरोना भाइरसका ६४१ जना सङ्क्रमित थपिएका छन् । स्वास्थ्य तथा जनसङ्ख्या मन्त्रालयका अनुसार पछिल्लो चौबीस घण्टामा १२ हजार २४७ जनामा पीसीआर परीक्षण गरिएकोमा ६४१ जनामा सङ्क्रमणको पुष्टि भएको छ । सक्रिय सङ्क्रमितहरू नौहजार २२१ रहेका छन् ।

मन्त्रालयका प्रवक्ता डा जागेश्वर गौतमले पछिल्लो २४ घण्टामा थपिएका सङ्क्रमितसँगै नेपालमा कुल सङ्क्रमितको सङ्ख्या २६ हजार ६६० पुगेको जानकारी दिए । प्रवक्ता गौतमले हाल आठ हजार जनामा आइसोलेसनमा रहेको जानकारी दिए । होम आइसोलेसनमा ४९७ रहेका छन् । क्वारेन्टिनमा १५ हजार २४३ रहेका छन् । पछिल्लो २४ घण्टामा १३४ जना सङ्क्रमित निको भएर घर फर्किएका छन् ।

योसँगै हालसम्म १७ हजार ३३५ जना सङ्क्रमित निको भएर घर फर्किएका छन् । काठमाडौँमा १७२ जना नयाँ थपिएका छन् । काठमाडौँमा १२६, ललितपुरमा ३८ र भक्तपुरमा ८ जना थपिएका छन् । आज पर्सामा एक पुरुष र मोरङ जिल्लामा एकजना महिलाको कोभिड–१९ कारणले मृत्यु भएको छ ।

error: Content is protected !!