Loading... आजः शुक्रबार, माघ ९, २०७७
Trending

बस र टिप्पर ठोक्किँदा भक्तपुरमा एकजनाको मृत्यु

५ वैशाख, भक्तपुर। सुर्यबिनायक नगरपालिका–१० भातेढिकुरमा गए राति १२ः४५ बजे बस र टिपर एकआपसमा ठक्कर खाएर भएको दुर्घटनामा एकको मृत्यु भएको छ भने दुई घाइते भएका छन्।भक्तपुरबाट बनेपातर्फ जाँदै गरेको बा३ख १७८४ नम्बरको बस र बनेपाबाट भक्तपुरतर्फ आउँदै गरको बा४ख ४८१५ नंम्बरको टिपर एकापसमा ठक्कर खाएको थियो। दुर्घटनामा सिन्धुपाल्चोक चौतारा साँगाचोक नपा–१ स्याउले भेडाबारी बस्ने ३० वर्षीय बस मालिक रमेश भण्डारीको मध्यपुर अस्पतालमा उपचारको क्रममा आज बिहान मृत्यु भएको महानगरीय प्रहरी परिसर भक्तपुरले जानकारी दिएको छ।

दुर्घटनामा घाइते बसका मालिक भण्डारीको मध्यपुर अस्पतालमा उपचारको क्रममा आज बिहान सवा ६ बजे मृत्यु भएको प्रहरीले जानकारी दिएको छ। दुर्घटनामा बस चालक सिन्धुपाल्चोक चौतारा साँगाचोक–३ बतासेका २४ वर्षीय सन्तोष थापा र टिपर चालक सिन्धुपाल्चोक चौताराका २८ वर्षीय देवकुमार श्रेष्ठ घाइते भई मध्यपुर अस्पतालमा उपचार भइरहेको प्रहरीले जनाएको छ।

error: Content is protected !!